AZƏRBAYCANIN HÖKUMƏT NÜMAYƏNDƏ HEYƏTİ SVERDLOVSK VİLAYƏTİNƏ GƏLMİŞDİR
İyulun 8-də baş nazir Artur Rasizadənin rəhbərliyi ilə Azərbaycanın hökumət nümayəndə heyəti Sverdlovsk vilayətinin inzibati mərkəzi olan Yekaterinburq şəhərinə gəlmişdir.
Yekaterinburqun Koltsovo təyyarə limanında baş nazir Artur Rasizadəni və onu müşayiət edən şəxsləri Sverdlovsk vilayəti hökumətinin sədri Aleksey Vorobyov, digər rəsmi şəxslər, habelə Azərbaycan diasporunun nümayəndələri qarşılamışlar.
Respublika baş nazirinin birinci müavini Abbas Abbasovun, müdafiə naziri general-polkovnik Səfər Əbiyevin də daxil olduqları Azərbaycanın hökumət nümayəndə heyəti iyulun 9-da Nijni Tagildə silah sərgisində iştirak edəcəkdir. Ertəsi gün isə Sverdlovsk vilayəti hökumətinin sədri Aleksey Vorobyov və qubernator Eduard Rossel ilə görüşlər nəzərdə tutulmuşdur. Əməkdaşlıq haqqında protokol imzalanması da gözlənilir. Protokolun əsasını 2000-ci ildə imzalanmış əməkdaşlıq haqqında saziş təşkil edir. Bundan əlavə, səfərin gedişində nümayəndə heyətinin üzvləri vilayətin iri müəssisələrində - “Uralmaş” və “Sinarsk boru zavodu” açıq səhmdar cəmiyyətlərində olacaqlar.
Oqtay Bayramov
AZƏRTAC-ın xüsusi müxbiri
Yekaterinburq
Bölmənin digər xəbərləri
