AZƏRBAYCANIN QADINLARDAN İBARƏT OTÜSTÜ XOKKEY YIĞMASI ALMANİYAYA YOLA DÜŞMÜŞDÜR
AZƏRTAC xəbər verir ki, Azərbaycanın qadınlardan ibarət otüstü xokkey yığması Avropa Çempionlar liqasının oyunlarında iştirak etmək üçün Almaniyaya yola düşmüşdür.
Yarışda ölkəmizi təmsil edəcək “Atasport” klubu ilk matçını mayın 9-da Rusiya çempionu “Volqa” komandası ilə keçirəcəkdir. Daha sonra isə “Atasport”un rəqibi Hollandiya təmsilçisi “Hertoqenboş” klubu olacaqdır.
Qrup mərhələsinin son matçında idmançılar Litvanın “Şaulyay” kollektivini sınağa çəkəcəklər.
Qeyd edək ki, hər qrupda 1-ci yeri tutacaq klublar Avropanın ən güclü komandası adı uğrunda mubarizə aparacaqlar, ikinci yeri tutan komandalar isə bürünc medal üçün yarışacaqlar.
Bölmənin digər xəbərləri
