Azərbaycanın Strateji Araşdırmalar Mərkəzi və Avropa Siyasi Mərkəzi Brüsseldə konfrans keçirəcəkdir
Bakı, 2 mart (AZƏRTAC). Martın 5-də Azərbaycan Respublikasının Prezidenti yanında Strateji Araşdırmalar Mərkəzi (SAM) direktorunun müavini Gülşən Paşayeva SAM və Avropa Siyasi Mərkəzinin birgə təşkilatçılığı ilə “Azərbaycan və Avropa İttifaqı: irəliyə gedən yol” mövzusunda keçiriləcək konfransda iştirak etmək üçün Brüsselə gedəcəkdir.
SAM-ın mətbuat xidmətindən AZƏRTAC-a bildirmişlər ki, səfər çərçivəsində SAM-ın Belçikanın nüfuzlu “beyin mərkəzləri” ilə əməkdaşlığının inkişaf etdirilməsi məqsədi ilə “Təhlükəsizlik və Müdafiə Gündəliyi” (Security and Defence Agenda) Analitik Mərkəzində, Eqmont İnstitutu və Beynəlxalq Əlaqələr üzrə Kral İnstitutunda bir sıra görüşlərin keçirilməsi nəzərdə tutulur.
Bölmənin digər xəbərləri
