“Azərbaycanın vergi jurnalı"nın növbəti sayı çap olunub
Bakı, 18 sentyabr, AZƏRTAC
"Azərbaycanın vergi jurnalı"nın növbəti - 142-ci sayı dərc olunub.
AZƏRTAC Dövlət Vergi Xidmətinə istinadla xəbər verir ki, vergiödəyiciləri bu sayda vergi sahəsində bir sıra aktual mövzularla, o cümlədən elmi məqalələrlə tanış ola biləcəklər.
Məlumata əsasən, jurnalda “Kölgə iqtisadiyyatının xüsusi çəkisinin faydalılıq funksiyası əsasında qiymətləndirilməsinin fazzi modeli”, “ Azərbaycan Respublikası dövlət büdcəsi gəlirlərinin diversifikasiyasının Herfindal-Hirşman İndeksi vasitəsilə qiymətləndirilməsi”, “Azərbaycanın makroiqtisadi göstəricilərinin dövlət büdcəsi, dövlət borcu və tədiyyə balansı göstəriciləri çərçivəsində təhlili” və digər məqalələr yer alıb.
Qeyd edək ki, "Azərbaycanın vergi jurnalı"nda əsasən, vergiqoymanın müasir problemlərini və vergi işinin ümumkonseptual məsələlərini optimal nəzəri və praktiki uzlaşmada elmi-metodoloji cəhətdən ifadə edən məqalələrin dərcinə üstünlük verilir.
Jurnalda Azərbaycan, türk, ingilis və rus dillərində məqalələr dərc edilir.
Bölmənin digər xəbərləri
