Azərbaycanlı alim rus əsilli Amerika yazıçısının romanlarını araşdırıb
Bakı, 2 aprel, AZƏRTAC
Azərbaycan Milli Elmlər Akademiyası (AMEA) Nizami Gəncəvi adına Ədəbiyyat İnstitutunun Azərbaycan-Asiya ədəbi əlaqələri şöbəsinin aparıcı elmi işçisi, filologiya üzrə fəlsəfə doktoru, dosent Bəsirə Əzizəlinin “Vladimir Nabokovun Amerika dövrü romanları” monoqrafiyası nəşr olunub.
İnstitutdan AZƏRTAC-a bildirilib ki, “Mütərcim” nəşriyyatında çapdan çıxan kitabda rus əsilli Amerika yazıçısı Vladimir Nabokovun ABŞ-dakı mühacirət dövrünə aid məşhur “Sebastian Naytın gerçək həyatı”, “Lolita”, “Haram damğası” və “Pnin” romanları araşdırılıb. Monoqrafıyada XX əsrdə rus mühacirət ədəbiyyatının ümumi istiqamətlərinə nəzər salınıb. Müəllif əsərində V.Nabokov yaradıcılığının yeni mərhələsinin əsas xüsusiyyətlərini müəyyənləşdirib, onun ingilisdilli romanlarının ideya-bədii dəyərini, orijinal üslub və yaradıcılıq manerasını şərh edib.
Bölmənin digər xəbərləri
