Bakı, 24 noyabr (AZƏRTAC). Badamdar qəsəbəsində “2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”nın icrası çərçivəsində yeni idman zalının tikintisi nəzərdə tutulmuşdur. 

Bu barədə AZƏRTAC-a Səbail Rayon İcra Hakimiyyətindən məlumat vermişlər.

Gənclər və İdman Nazirliyinin xətti ilə reallaşdırılacaq idman kompleksi üçün icra hakimiyyəti tərəfindən müvafiq yer ayrılmış və inşaat işləri ilə bağlı hazırlıq tədbirləri görülmüşdür.

Zalda gənclərin müxtəlif idman növləri ilə məşğul olmaları üçün lazımi şərait yaradılacaqdır.

Layihəyə görə, tikinti işləri 2013-cü ildə başa çatdırılacaqdır.