İqtisadiyyat naziri “Saipem” şirkətinin icraçı direktoru ilə enerji tərəfdaşlığının vəziyyətini müzakirə edib
Bakı, 4 iyun, AZƏRTAC
İqtisadiyyat naziri Mikayıl Cabbarov “Saipem” şirkətinin icraçı direktoru və baş meneceri Alessandro Puliti ilə görüşüb.
Nazirlikdən AZƏRTAC-a bildirilib ki, görüşdə ölkəmizin təşəbbüsü və fəal iştirakı ilə reallaşan energetika layihələrinin önəmi qeyd edilib, yaşıl enerji və dekarbonizasiya sahələrində ölkəmizdə həyata keçirilən tədbirlər, SOCAR-la beynəlxalq tərəfdaşlar arasında reallaşdırılan layihələr barədə məlumat verilib.
Vurğulanıb ki, Azərbaycanın biznes və investisiya mühitinin əlverişliliyi, xarici şirkətlərin bu baxımdan ölkəmizə olan yüksək marağı regional və qlobal miqyasda mühüm layihələri reallaşdırmağa imkan verir.
Tərəflər enerji tərəfdaşlığının mövcud vəziyyəti və birgə əməkdaşlıq imkanlarını müzakirə ediblər.
Bölmənin digər xəbərləri
