Təhlükəli maddələrlə bağlı insident səbəbindən Pentaqon təxliyə olunur
Vaşinqton, 11 iyun, AZƏRTAC
ABŞ-nin Müharibə Departamentinin binasında təhlükəli maddələrlə bağlı insident hadisəsi baş verib.
AZƏRTAC xəbər verir ki, Pentaqonun içərisindəki bir neçə mərtəbə və dəhliz bağlanıb, digərləri isə təxliyə olunur.
Pentaqon sözçüsü Şon Parnell Pentaqon daxilindəki sistemlərin ehtiyat tədbirləri tələb edən hava keyfiyyəti problemi aşkar etdiyini təsdiqləyib.
“Departament təsirlənmiş ərazi üçün sığınacaq əmri də daxil olmaqla, standart mühafizə protokollarını icra edir. Cavab qrupları yerindədir və bina sakinlərinə dəstək verməyə hazırdır", - deyə o bildirib.
Pentaqon Qüvvələrinin Mühafizəsi Agentliyinin təhlükəli maddələrə cavab qrupu hadisəyə Arlinqton Şəhər Yanğından Mühafizə İdarəsinin köməyi ilə reaksiya verir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
