Konqo Demokratik Respublikasının milli komandasına ABŞ-yə getməyə icazə verilib
Bakı, 12 iyun, AZƏRTAC
ABŞ hakimiyyəti Konqo Demokratik Respublikasının futbol üzrə milli komandasının Dünya Kubokunda iştirak etmək üçün ölkəyə daxil olmasına icazə verib.
AZƏRTAC xəbər verir ki, bu barədə “France-Press” agentliyi məlumat yayıb.
“Ebola” virusunun yayılması ilə bağlı narahatlıqlar səbəbindən komandanın hazırlıq prosesi müvəqqəti dayandırılıb, oyunçular və məşqçi heyəti ABŞ-yə uçmazdan əvvəl 21 günlük karantindən keçiblər. Konqo yığması artıq Hyustona eniş edib.
Konqo Demokratik Respublikasının milli komandası Dünya Kubokunda K qrupunda Portuqaliya, Özbəkistan və Kolumbiya ilə mübarizə aparacaq. Komanda iyunun 17-də ABŞ-nin Texas ştatının Hyuston şəhərində Portuqaliya, iyunun 24-də Meksikanın Sapopan şəhərində Kolumbiya, iyunun 28-də isə ABŞ-nin Atlanta şəhərində Özbəkistanla qarşılaşacaq.
Bölmənin digər xəbərləri
