Pentaqonda təhlükəli maddə ilə bağlı yanlış həyəcan siqnalı verildiyi təsdiqlənib

11.06.2026 [22:15]
Çap et
A⁺ A^-

Vaşinqton, 11 iyun, AZƏRTAC

Pentaqonda təhlükəli maddə sızıntısı ilə bağlı yanlış həyəcan siqnalı verildiyi təsdiqlənib.

AZƏRTAC-ın məlumatına görə, Pentaqon Baş Sözçüsü Şon Parnell səhər tezdən əməkdaşlara potensial hava keyfiyyəti problemi barədə məlumat verildiyini, dərhal təhlükəsizlik tədbirləri və qiymətləndirmə aparıldığını açıqlayıb.

“Sonrakı sınaqlar heç bir təhlükənin olmadığını təsdiqlədi və normal əməliyyatlar bərpa olundu”, - deyə o əlavə edib.

Qeyd edək ki, bu gün yerli vaxtla səhər saatlarında ABŞ-nin Müharibə Departamentinin binasında təhlükəli maddələrlə bağlı insident baş verdiyi, Pentaqonun içərisindəki bir neçə mərtəbə və dəhlizin bağlandığı bildirilib.

_{Məlahət Nəcəfova}

_{AZƏRTAC-ın xüsusi müxbiri}

_Vaşinqton