BAKI KİNO MƏKTƏBİ TƏLƏBƏ QƏBULU ELAN ETMİŞDİR
AZƏRTAC xəbər verir ki, iyulun 1-dən Bakı Beynəlxalq Kino Məktəbi sənəd qəbulunu və tələbələrin seçilməsini elan etmişdir. Aktyorluq bölməsinə 16 yaşından 25 yaşınadək oğlan və qızlar (ali təhsil məcburi deyildir) qəbul olunurlar.
Kino məktəbinin kuratoru, Əməkdar incəsənət xadimi Cəmil Quliyevin dediyinə görə, məşğələlər hərəsində 10 nəfər olmaqla, iki qrupda - Azərbaycan və rus dillərində, seçim isə ədəbi və musiqi əsərlərinin (monoloq, etüd və sairə) ifasından ibarət xüsusi proqram üzrə keçiriləcəkdir. Məktəbə daxil olmaq istəyənlərin aktyorluq qabiliyyətlərini xalq yazıçısı Rüstəm İbrahimbəyovun başçılıq edəcəyi komissiya qiymətləndirəcəkdir.
Kino məktəbinin rəhbərliyi gələcəkdə tələbələrin xaricdə staj keçməsini planlaşdırır.
Bölmənin digər xəbərləri
