Bakı məktəblisi “İdeya var” müsabiqəsində uğur qazanıb
Bakı, 27 dekabr, AZƏRTAC
Bakı məktəblisi “İdeya var” gənclərin ikinci ümumrespublika elmi-yaradıcılıq müsabiqəsində II yerə layiq görülüb.
Bakı Şəhəri üzrə Təhsil İdarəsinin tabeliyindəki 7 nömrəli tam orta məktəbin VIII sinif şagirdi Rəşad Rəhimzadə müsabiqədə “Sosial sahə və təhsil” nominasiyası üzrə uğurla iştirak edib.
İdarədən AZƏRTAC-a bildirilib ki, müsabiqənin nəticələrinə əsasən, R.Rəhimzadənin layihəsi 25 layihə arasından seçilərək diplom və hədiyyələrlə mükafatlandırılıb.
Qeyd edək ki, Gənclər və İdman Nazirliyi tərəfindən təşkil olunmuş müsabiqənin əsas məqsədi gənclərin elmi və yaradıcılıq fəaliyyətini, sosial təşəbbüskarlığını stimullaşdırmaq, innovativ potensialının nümayiş etdirilməsi üçün əlverişli şərait yaratmaq, onları tədqiqat və elmi araşdırma fəaliyyətinə həvəsləndirməkdən ibarətdir.
Bölmənin digər xəbərləri
