Basketbol üzrə Türkiyə millisinin baş məşqçisi Ufuk Sarıca istefaya göndərilib
Bakı, 23 noyabr, AZƏRTAC
Basketbol üzrə Türkiyə millisinin baş məşqçisi Ufuk Sarıca istefaya göndərilib.
AZƏRTAC xəbər verir ki, bu barədə Türkiyənin Basketbol Federasiyası rəsmi məlumat yayıb. Amma federasiyanın belə bir addım atmasının səbəbləri haqda heç bir rəsmi informasiya yoxdur. Maraqlıdır ki, bir həftə sonra Türkiyə millisi 2022-ci ildə keçiriləcək Avropa çempionatının seçmə mərhələsində növbəti oyunlarını keçirəcək.
Qardaş ölkə mətbuatının yazdığına görə, U.Sarıca “Anadolu Efes”in milliləşdirilmiş lideri Şeyn Larkini heyətə daxil etmək istəmirdi. Bu da federasiyanın narazılığına səbəb olub. Tərəflər razılığa gələ bilməyincə, Sarıca istefaya göndərilib. Yaxın günlərdə Orhun Enenin milliyə baş məşqçi təyin olunacağı gözlənilir. Maraqlıdır ki, Ene ötən ay “Tofaş” klubundan istefa vermişdi.
Bölmənin digər xəbərləri
