BEYNƏLXALQ MİQRASİYA TƏŞKİLATI NAXÇIVANDAKƏHRİZLƏRİ BƏRPA EDİR
O bildirmişdir ki, yeraltı su təchizatı sistemləri olan kəhrizlərin bərpası işləri bu yaxında başa çatacaqdır. Ordubad rayonunun Anabad kəndində 1886-cı ildə qazılmış 1300 metr uzunluğunda kəhriz tamamilə bərpa olunmuş, 100-dən çox ailə içməli su ilə təmin edilmişdir. Layihənin bu hissəsi üzrə çəkilən bütün xərcləri Kanada hökuməti öz üzərinə götürmüşdür.
Kəhrizlərin bərpası layihəsi üzrə işlərə hələ 2001-ci ilin noyabrında Avropa Birliyinin maliyyə dəstəyi ilə başlanmışdır. İlk olaraq, 300 il bundan əvvələ aid 1300 metr uzunluğunda Lüləkəhriz bərpa edilmişdir. Y.Van Der Aalstın sözlərinə görə, Beynəlxalq Miqrasiya Təşkilatı su təchizatı və suvarma sistemlərinin bərpası sahəsində yerli kadrların hazırlanması üçün də iş aparır. Yerli universitetin 5 tələbəsi layihələrin dizaynı və kəhrizlərin kartoqrafiyası üzrə kurs, 8 nəfər isə su təchizatı sistemlərinin bərpası sahəsində hazırlıq keçmişdir. Təşkilatın mütəxəssisləri kəhriz sisteminin əhəmiyyətini ictimaiyyətə çatdırmaq üçün videokassetlər və bukletlər də hazırlamışlar.
