BEYNƏLXALQ TELEKOMMUNİKASİYA İTTİFAQININ REGİONAL FORUMU VƏ MDB-NİN REGİONAL İCLASI KEÇİRİLMİŞDİR
AZƏRTAC-ın xüsusi müxbiri xəbər verir ki, Beynəlxalq Telekommunikasiya İttifaqının MDB, Mərkəzi və Şərqi Avropa və Baltik ölkələri üçün “İnformasiya-kommunikasiya texnologiyalarının standartlaşdırılması sahəsində uyğunsuzluğun azaldılması” mövzusunda regional Forumu və Telekommunikasiya Standartları üzrə Ümumdünya Məclisinə hazırlıqla əlaqədar MDB-nin regional iclası keçirilmişdir. Birlik ölkələrindən gəlmiş 50-dən çox ekspertin qoşulduğu tədbirlərdə Azərbaycanı Rabitə və İnformasiya Texnologiyaları Nazirliyinin əməkdaşı Rauf Rzayev təmsil etmişdir.
Forumda bu sahədə əlaqələrin möhkəmləndirilməsi, telefommunikasiya və standartlaşdırma sahəsində son dəyişikliklər, bu ölkələrdə standartlaşdırmanın daha geniş tətbiqi və digər məsələlər müzakirəyə çıxarılmışdır. Rauf Rzayev bu istiqamətdə Azərbaycanda görülən işlər haqqında məlumat vermişdir.
Regional iclasda isə bu ilin oktyabrında Cənubi Afrika Respublikasının Yohannesburq şəhərində keçiriləcək Telekommunikasiya Standartları üzrə Ümumdünya Məclisində MDB-nin üzvü olan ölkələrin iştirakı ilə əlaqədar məsələlər geniş müzakirə olunmuşdur.
Bölmənin digər xəbərləri
