SİYASƏT
BİRGƏ SEMİNAR KEÇİRİLƏCƏK
Mayın 13-17-də Bakıda Avropa Birliyi ilə MDB ölkələri və Monqolustan arasında statistika sahəsində əməkdaşlıq üzrə idarəetmə qrupunun 8-ci iclası, MDB ölkələri və Monqolustanın statistika orqanlarının rəhbərləri üçün TASİS proqramı çərçivəsində 7-ci seminar keçiriləcəkdir.
AB-nin Statistika Təşkilatı və respublika Dövlət Statistika Komitəsinin təşkil etdikləri bu tədbirlərdən məqsəd bazar iqtisadiyyatına keçid dövründə statistika işinin yenidən qurulmasında və beynəlxalq standartlara uyğunlaşdırılmasında bu ölkələrə kömək göstərmək, indiyədək görülmüş işləri bir daha nəzərdən keçirmək və gələcək fəaliyyət planlarını müəyyən etməkdir.
Dövlət Statistika Komitəsindən bildirmişlər ki, seminarda TASİS proqramı çərçivəsində statistika sahəsində əməkdaşlıq və onun gələcək inkişafı, statistika sisteminin Avropa standartlarına uyğun olaraq daha da təkmilləşdirilməsi, çoxillik statistik proqramların hazırlanması və s məsələlər müzakirə olunacaqdır.