İDMAN
Birinci Avropa Oyunları “Okna TASS” tablolarında
![](/files/galleryphoto/2015/2/1200x630/14345627071519255864_1200x630.jpg)
![](/files/galleryphoto/2015/2/1200x630/14345652472208160319_1200x630.jpg)
![](/files/galleryphoto/2015/2/1200x630/14345658584180312035_1200x630.jpg)
![](/files/galleryphoto/2015/2/1200x630/14345658585391632499_1200x630.jpg)
Moskva, 17 iyun, AZƏRTAC
Rusiyanın TASS Dövlət İnformasiya Agentliyi “Okna TASS” fotoinformasiya tablolarında AZƏRTAC-ın fotomüxbirlərinin Bakıda birinci Avropa Oyunlarının açılışı mərasimindən və yarışlarından çəkdikləri fotoşəkilləri yerləşdirməkdə davam edir.
Bu barədə MDB Dövlət İnformasiya Agentliklərinin Rəhbərləri Şurasının (İnformasiya Şurasının) Minskdə keçirilmiş XX iclasında AZƏRTAC-ın baş direktoru Aslan Aslanov ilə TASS-ın baş direktoru Sergey Mixaylov arasında razılaşma əldə edilib.
Fotoşəkillərdə Azərbaycan Prezidenti İlham Əliyev ilə Rusiya Prezidenti Vladimir Putinin Bakıdakı görüşü, RF Prezidentinin Bakıda Rusiya yığmasının üzvləri ilə görüşü, Oyunların açılışından parlaq məqamlar, o cümlədən Azərbaycanın birinci xanımı Mehriban Əliyevanın çıxışı, habelə bədii gimnastika, sinxron üzgüçülük, güləş və digər idman növləri üzrə yarışlardan məqamlar əks etdirilib. Moskvalılar və paytaxtın qonaqları tarixdə ilk Avropa Oyunlarının keçirildiyi olimpiya obyektlərinə tamaşa etmək imkanı əldə ediblər.
Fəridə Abdullayeva
AZƏRTAC-ın xüsusi müxbiri
Moskva