Ermənistanda insan alverinə qarşı mübarizə tədbirləri minimum standartlara belə cavab vermir
Tbilisi, 26 iyun, AZƏRTAC
Ermənistan hökumətinin insan alverinə qarşı mübarizə tədbirləri minimum standartlara belə cavab vermir.
AZƏRTAC xəbər verir ki, bu barədə məlumat ABŞ Dövlət Departamentinin insan alveri ilə bağlı illik hesabatında yer alıb.
Hesabatda qeyd olunub ki, hökumət bir neçə əsas sahədə minimum standartlara cavab verə bilməyib.
Prosesə ilk müdaxilə edənlər davamlı olaraq həssas əhalini insan alveri əlamətləri üçün yoxlamırlar. Prokurorlar sübutların olmaması və ya sübutları təsdiqləmədən zərərçəkmişlərin ifadələrinə əsaslandıqları üçün işlərə xitam verir və ya yenidən təsnif edirlər. Hökumət zərərçəkmişlərə və şahidlərə kömək məqsədilə siyasət və tədbirlər həyata keçirməyib. Son beş ildə insan alverçiləri Ermənistanda yerli və xarici qurbanları, xaricdə erməni qurbanlarını istismar ediblər.
“İnsan alverçiləri erməni qadınlarını ölkə daxilində seks və əmək alveri, o cümlədən məcburi dilənçilik üçün istismar edirlər. İnsan alverçiləri uşaqları dilənməyə və ya salfet kimi əşyalar satmağa məcbur etmək üçün qeyri-formal sektorda iş axtaran iranlı və hindli miqrantları hədəfə alırlar. Bəzi uşaqlar ölkə daxilində kənd təsərrüfatı, tikinti və xidmət sektorlarında çalışırlar. Kənd yerlərindəki savadsız kişilər, dövlət müəssisələrindəki uşaqlar və əlillər insan əməyinin alverinə qarşı çox həssas olaraq qalırlar. İnsan alverçiləri qurbanları cəlb etmək üçün sosial şəbəkələrdən getdikcə daha çox istifadə edirlər”, – deyə hesabatda vurğulanır.
AZƏRTAC-ın xüsusi müxbiri
Tbilisi
Bölmənin digər xəbərləri
