BİRLƏŞMİŞ ƏRƏB ƏMİRLİKLƏRİNƏ 70 TONLUQ AYSBERQ DÜZƏLDİLMİŞDİR
Cümə günü Dubay körfəzinə 70 tonluq aysberq daxil olmuşdur. O, sahilə toplaşan minlərlə şəhər sakinini heyrətə gətirmişdir. Gəmilərin yedəyə alıb körfəzdə gəzdirdiyi bu buz dağının üstündə festvalın rəmzi olan sarı adam – Müdhiş qərar tutmuşdu. O, sahildəkilərə kiçik buz parçaları atırdı. Aysberqin hazırlanmasına bir həftə vaxt getmişdir.
Şəhərin sakinlərini və turistləri attraksionlar parkında buz sarayı, hava limanı yaxınlığında sahəsi 100 kvadratmetr olan buzdan oyun otağı və fiqurlu konki sürənlərin çıxışları gözləyir.
Hazırda Dubay Yer kürəsində bəlkə də yeganə yerdir ki, temperatur 45 dərəcəyə çatdığı halda, konkilərdə və kirşələrdə gəzmək, qar topası oynamaq və Qar kraliçə ilə görüşmək olar.
