BMT Afrikada koronavirusa qarşı mübarizəyə yardım göstərəcək
Cenevrə, 14 aprel, AZƏRTAC
Afrika ölkələrini koronavirus pandemiyasına qarşı mübarizədə dəstəkləmək üçün BMT tibbi avadanlıqların daşınması üçün Efiopiyada logistika mərkəzi yaradıb.
AZƏRTAC xəbər verir ki, Ümumdünya Səhiyyə Təşkilatının (DST) Afrikanın 32 ölkəsi üçün nəzərdə tutduğu maska, əlcək və süni tənəffüs aparatları BMT-nin Ərzaq Proqramının təyyarələri ilə Əddis-Əbəbədəki logistika mərkəzindən həmin ölkələrə çatdırılacaqdır.
Təşkilatdan verilən məlumata görə, ilk təyyarə bu həftə Cibuti Respublikasına yola düşməlidir. Yaxın gələcəkdə tibbi heyətin daşınmasının və tibbi təxliyələrin də nəzərdə tutulduğu təşəbbüs Efiopiya hökuməti və Afrika İttifaqı tərəfindən dəstəklənir.
Qeyd edilməlidir ki, artıq Afrikanın bütün ölkələrində koronavirus infeksiyasına yoluxma halları təsdiqlənib. Əksər ölkələrdə səhiyyə sisteminin zəif olması və bu səbəbdən də virusun yayılmasına qarşı mübarizənin təşkili ÜST tərəfindən izlənilir, bu problemin öhdəsindən necə gəlinəcəyi ilə bağlı narahatlıq böyükdür.
Elgün Niftəli
AZƏRTAC-ın xüsusi müxbiri
Cenevrə
Bölmənin digər xəbərləri
