Bob Dilanın gitarası hərracda yarım milyon dollara satılıb
Bakı, 21 may, AZƏRTAC
Amerikalı yazıçı, müğənni, ifa etdiyi mahnıların sözlərinin müəllifi, rəssam və kinoaktyor Bob Dilanın gitarası Nyu-Yorkda keçirilən hərracda 490 min dollara satılıb.
AZƏRTAC Rusiya KİV-lərinə istinadla xəbər verir ki, bu alət musiqiçinin ilk elektrogitaralarından biridir. O, qastrol zamanı həmin gitarada ifa edib. Qara rəngli “Fender Stratocaster” gitarası Bob Dilandan sonra kanadalı gitaraçı və ifaçı Robbi Robertsona məxsus olub.
Xatırladaq ki, musiqiçi 2016-cı il oktyabrın 13-də “Amerika mahnı ənənələri çərçivəsində yeni poetik ifadə forması yaradılmasına görə” Nobel mükafatı alıb.
Bölmənin digər xəbərləri
