Bosniya və Herseqovina Rəyasət Heyətinin sədri Azərbaycana səfər edəcək
Sarayevo, 14 fevral, AZƏRTAC
Bosniya və Herseqovina Rəyasət Heyətinin sədri xanım Jelyka Tsviyanoviç gələn ay Azərbaycana səfər edəcək.
AZƏRTAC xəbər verir ki, Azərbaycanın Bosniya və Herseqovinadakı səfiri Vilayət Quliyev bu ölkənin Rəyasət Heyətinin sədri J.Tsviyanoviçlə görüşüb. Tərəflər Bosniya və Herseqovina ilə Azərbaycan arasında ikitərəfli münasibətlərin yaxşı və mehriban olduğunu və bunun iki ölkənin enerji, turizm, kənd təsərrüfatı və digər ümumi maraq kəsb edən müxtəlif sahələrdə iqtisadi əməkdaşlığının gücləndirilməsi üçün əlverişli təməl yaratdığını qeyd ediblər.
Görüşdə, həmçinin Rəyasət Heyətinin sədri J.Tsviyanoviç Bakıya planlaşdırılan səfəri, Bosniya və Herseqovina nümayəndə heyətinin martın 1-3-də ölkəmizdə keçiriləcək Qoşulmama Hərəkatının Təmas Qrupu çərçivəsində Zirvə Görüşünə iştirakına dair müzakirələr aparılıb.
AZƏRTAC-ın xüsusi müxbiri
Sarayevo
Bölmənin digər xəbərləri
