Bu gün gecə saatlarından paytaxtın iki ərazisində hərəkət məhdudlaşdırılacaq
Bakı, 6 aprel, AZƏRTAC
Aparılan təmir işləri ilə əlaqədar aprelin 6-da gecə saatlarından etibarən Bakının iki ərazidə hərəkətin məhdudlaşdırılması nəzərdə tutulub.
Bu barədə AZƏRTAC-a Azərbaycan Avtomobil Yolları Dövlət Agentliyinin mətbuat xidmətindən bildirilib.
Qısamüddətli məhdudlaşdırılma Nərimanov rayonunun Təbriz küçəsinin Ağa Nemətulla küçəsi ilə kəsişməsində, həmçinin Qaradağ rayonu ərazisində Lökbatan-Qobu avtomobil yolunun Lökbatan qəsəbəsi istiqamətindən tətbiq ediləcək.
Sürücülərdən öncədən hərəkət istiqamətlərinə uyğun olaraq alternativ yollardan istifadə etmələri tövsiyə olunur.
Bölmənin digər xəbərləri
