Səyyar "ASAN xidmət"in növbəti ünvanı Tbilisidir
Tbilisi, 5 iyun, AZƏRTAC
Səyyar “ASAN xidmət” bu dəfə Gürcüstanda müvəqqəti yaşayan və işləyən Azərbaycan vətəndaşlarına xidmət məqsədilə Tbilisiyə gəlib.
AZƏRTAC xəbər verir ki, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşları iyunun 5-7-də Azərbaycanın Gürcüstandakı səfirliyində vətəndaşlarımız üçün şəxsiyyət vəsiqələrinin verilməsi və dəyişdirilməsi, sürücülük vəsiqələrinin dəyişdirilməsi, məhkumluq barədə arayışların verilməsi üzrə xidmət göstərəcəklər.
Xidmətlərdən istifadə etmək üçün Elektron Növbə Portalından növbə götürmək mütləqdir: appointment.mfa.gov.az/az
Portalda səfirliyi seçdikdən sonra müvafiq xidməti və tarixi (5, 6 və 7 iyun) qeyd olunmalıdır.
Səfirlik binası Tbilisidə Vaxtanq Qorqasali küçəsi, 4 ünvanında yerləşir.
Bölmənin digər xəbərləri
