Vətən müharibəsi şəhidi Müşfiq İbrahimovun ailəsi ziyarət edilib
Bakı, 6 oktyabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Vətən müharibəsinin 6-cı ildönümü ilə əlaqədar şəhid Müşfiq İbrahimovun ailəsini ziyarət edib.
Bu barədə AZƏRTAC-a agentliyin mətbuat xidmətindən məlumat verilib.
Bildirilib ki, Müşfiq İbrahimov Füzuli uğrunda gedən döyüşlər zamanı şəhidlik zirvəsinə ucalıb. Prezident İlham Əliyevin sərəncamları ilə o, “Vətən uğrunda”, "Döyüşdə fərqlənməyə görə", "Füzulinin azad olunmasına görə" medalları və “Vətənə xidmətə görə” ordeni ilə təltif edilib.
Ziyarət zamanı şəhidimizin Vətəninə olan bağlılığından və döyüş yolundan danışılıb. Digər şəhidlərimiz kimi Müşfiqin də əziz xatirəsinin qəlbimizdə əbədi yaşayacağı vurğulanıb.
Qeyd edək ki, şəhidin ailəsi sosial dəstək tədbirləri ilə əhatə olunub, həmçinin ailəyə sosial ödənişlər təyin edilib.
Şəhidimizin anası Şəhla İbrahimova nazirlik tərəfindən Sabunçu rayonunda yerləşən yeni yaşayış kompleksində 2 otaqlı, tam təmirli mənzillə təmin olunub.
Agentlik sədri ailənin bundan sonra da daima qayğı ilə əhatə olunacağını qeyd edib.
Şəhla İbrahimova şəhid ailələri və müharibə ilə əlaqədar əlilliyi olan şəxslərə göstərilən yüksək diqqət və qayğıya görə Prezident İlham Əliyevə dərin minnətdarlığını bildirib.
Bölmənin digər xəbərləri
