Bu ilin 3 ayında 114,5 min hektar sahədə yazlıq bitkilərin səpini aparılıb
Bakı,18 aprel, AZƏRTAC
Kənd Təsərrüfatında yaz-tarla işləri görülür. Cari ilin aprel ayının 1-nə kimi 114,5 min hektar sahədə yazlıq bitkilərin səpini aparılıb.
Dövlət Statistika Komitəsindən AZƏRTAC-a verilən məlumata görə, bu dövrdə 15,9 min hektar sahədə dənli və dənli paxlalı bitkilər (ondan 1,3 min hektarı dən üçün qarğıdalı), 28,1 min hektar sahədə kartof, 25,8 min hektar sahədə tərəvəz, 2,4 min hektar sahədə bostan bitkiləri, 5,0 min hektar sahədə şəkər çuğunduru, 2,1 min hektar sahədə dən üçün günəbaxan, 34,5 min hektar sahədə çoxillik otlar, 0,4 min hektar sahədə birillik otlar və 0,3 min hektar sahədə digər yazlıq bitkilər əkilib.
Bölmənin digər xəbərləri
