Deputat: Qadınların inşaat sektoru ilə bağlı fəaliyyətində müəyyən problemlər var
Bakı, 13 dekabr, AZƏRTAC
Bu gün iqtisadiyyat sahəsində çalışanların hər beşindən biri qadın sahibkarlardır. İri sahibkarlar arasında isə qadın sahibkarlar yoxdur.
AZƏRTAC xəbər verir ki, bu barədə Qadın və Uşaq Problemləri üzrə Dövlət Komitəsi Kiçik və Orta Biznesin İnkişafı Agentliyinin (KOBİA) əməkdaşlığı ilə “Tikinti sektorunun inkişafında qadınların rolu, problem və perspektivləri” mövzusunda keçirilən konfransda Milli Məclisin deputatı Vüqar Bayramov deyib.
Onun sözlərinə görə, orta sahibkarlıqda qadınlar 8 faiz təşkil edir. Kiçik sahibkarlıqda isə qadınların payı 16 faizdir: “Bu həm də onu göstərir ki, qadınların inşaat sektoru ilə bağlı fəaliyyətində müəyyən problemlər var. Bu problemlərin biri də bu sektora iri kapital qoyuluşu ilə əlaqədardır”.
V. Bayramov qeyd edib ki, bu sahədə Əmək Məcəlləsində bir sıra dəyişikliklər nəzərdə tutulub, həmçinin qadınlar üçün qanunvericilikdə bəzi güzəştlər tətbiq edilməli, onların maliyyə resurslarına çıxışı daha da asanlaşdırılmalıdır.
Bölmənin digər xəbərləri
