Dövlət İmtahan Mərkəzi hazırlıq kurslarına başlayır
Bakı, 2 aprel, AZƏRTAC
Aprelin 4-dən Dövlət İmtahan Mərkəzində (DİM) yeni təhsil proqramları (kurikulumlar) əsasında Azərbaycan dili, rus dili, ingilis dili, riyaziyyat, kimya, fizika, biologiya, tarix və coğrafiya fənlərindən buraxılış və qəbul imtahanlarında istifadəsi planlaşdırılan qiymətləndirmə vasitələrinin hazırlanması və onların meyarlar üzrə yoxlanılmasına dair hazırlıq kursları fəaliyyətə başlayacaq.
DİM-dən AZƏRTAC-a bildiriblər ki, kurslarda müvafiq fənlər üzrə qeydiyyatdan keçmiş şəxslər iştirak edəcəklər. Hazırlıq kursları müvafiq qrafik üzrə fəaliyyət göstərəcək. Həmin qrafik DİM-in saytında verilib.
Hazırlıq kursları Abdulvahab Salamzadə küçəsi, 28 ünvanında yerləşən Asiya Universitetinin binasında keçiriləcək.
Bölmənin digər xəbərləri
