Dövlət Miqrasiya Xidmətinin rəisi yerli və xarici iş adamları ilə görüş keçirəcək
Bakı, 11 may, AZƏRTAC
Dövlət Miqrasiya Xidməti (DMX) tərəfindən verilən iş icazələri, əmək miqrasiyası kvotası barədə işəgötürənlərə zəruri məlumatların çatdırılması, əcnəbi işçi qüvvəsinə tələbatın təmin edilməsi zamanı yaranan çətinliklərin və digər faydalı, işgüzar mövzuların müzakirəsi məqsədilə DMX-nin rəisi Vüsal Hüseynovun rəhbərliyi ilə yerli və xarici iş adamları ilə görüş keçiriləcək.
DMX-dən AZƏRTAC-a bildiriblər ki, görüş mayın 18-də saat 15:00-da Nərimanov rayonu, Ələsgər Qayıbov küçəsində 1222 ünvanında yerləşən “Caspian Business Hotel”in (Bakı kondisioner zavodunun yaxınlığı) konfrans zalında olacaq.
DMX tədbirdə işəgötürən müəssisələrin rəhbərlərinin (yaxud hüquqşünaslarının və kadr məsələləri üzrə məsul şəxslərin) iştirakını tövsiyə edir.
Görüşdə İştirak etmək üçün (012) 565-61-18 (daxili 115; 311), (055) 510-66-14 telefon nömrələri və [email protected] email ünvanı vasitəsilə Dövlət Miqrasiya Xidmətinə əvvəlcədən məlumat verilməsi xahiş olunur.
Bölmənin digər xəbərləri
