“DURNALAR QAYIDANDA”... GƏNCƏBASARDAN KEÇMİŞDİR
Cəfər Cabbarlı adına İrəvan Azərbaycan Dövlət Dram Teatrının yaradıcı kollektivi respublikamızın Gəncəbasar bölgəsindən qastrol səfərindən qayıtmışdır. Teatrın direktor müavini Aytən Məmmədova müxbirimizə demişdir ki, qastrol müddətində göstərilən yazıçı-dramaturq Hidayətin “Durnalar qayıdanda...” iki hissəli dram əsəri tamaşaçılar tərəfindən böyük maraqla qarşılanmışdır. Rejissor Vaqif Əsədovun quruluş verdiyi tamaşada əməkdar artistlər Bürcəli Əsgərov, Elmira İsmayılova, Vidadi Əliyev, Süleyman Nəcəfov, gənc aktyorlar Ramiz Əliyev, Xuraman Əliyeva, Vəfa Zeynalova, Rəşad Səfərov və başqaları çıxış etmişlər. Səkkiz günlük qastrol zamanı həmin tamaşa Gəncədə, Tovuzda, Qazaxda və Xanlar rayonunda yerləşən “N” hərbi hissəsində nümayiş olunmuşdur.
Bölmənin digər xəbərləri
