ƏFQANISTANDAKI AZƏRBAYCAN SÜLHMƏRAMLILARI TƏHLÜKƏSİZLİYƏ ÖZ TÖHFƏSİNİ VERİR
Müdafiə Nazirliyinin mətbuat xidmətindən AZƏRTAC-a bildirmişlər ki, bu günlərdə Əfqanıstanda Təhlükəsizliyə Yardım üzrə Beynəlxalq Qüvvələr komandanı, Amerika Birləşmiş Ştatlarının Quru Qoşunları generalı Dən Mak Nelildən nazirliyə daxil olan məktubda Azərbaycan Sülhməramlılarının nümunəvi xidmətindən yüksək razılıq hissi ifadə olunmuşdur. Məktubda deyilir: “Azərbaycanın Əfqanıstandakı qoşunları yerləşdiyi yerdən asılı olmayaraq hər gün təhlükəsizliyə öz töhfəsini verir, hər bir tapşırığın yerinə yetirilməsində böyük çeviklik və qəhrəmanlıq göstərirlər. Azərbaycanın heyrətamiz nümayəndələri əvvəllər də bu cür olmuş, gələcəkdə də belə olmaqda davam edəcəklər. Əfqanıstanda Təhlükəsizliyə Yardım üzrə Beynəlxalq Qüvvələrin bir hissəsi kimi onlara komandanlıq etmək mənim üçün şərəfdir”.
Bölmənin digər xəbərləri
