Ekspertlərlə keçirilən görüşdə “İnformatika” dərs vəsaiti müzakirə edilib
Bakı, 19 aprel, AZƏRTAC
Dövlət İmtahan Mərkəzində (DİM) “BP Azerbaijan” şirkətinin və Təhsil Nazirliyinin dəstəyi ilə həyata keçirilən “Ümumtəhsil müəssisələrində informatika fənninin tədrisinin təkmilləşdirilməsinə dəstək” layihəsi çərçivəsində ekspert heyəti ilə görüş keçirilib.
DİM-dən AZƏRTAC-a bildirilib ki, görüşdə Beynəlxalq Təlim və Layihə Mərkəzindən layihənin meneceri Tariyel Dövlətov, Təhsil İnstitutundan layihənin meneceri Ülkər Zaidzadə, aparıcı ekspert Etibar Seyidzadə, ADA Universitetinin professoru Abzətdin Adamov, ekspertlər Naidə İsayeva, Əli Həsənov, DİM-in şöbə müdiri Afiqə Batıyeva, sektor müdiri Günay Rüstəmzadə, fənnin kuratoru Samir Hüseynli və fizika-riyaziyyat üzrə fəlsəfə doktoru İsmayıl Qafarov, texnika üzrə fəlsəfə doktoru Zaur Hacıyev iştirak ediblər.
Görüşdə Beynəlxalq Təlim və Layihə Mərkəzi tərəfindən 10-cu sinif şagirdləri üçün hazırlanmış “İnformatika” dərs vəsaitinə DİM-in ekspertlərinin ilkin rəyinin müzakirəsi aparılıb.
Növbəti həftədə DİM-in ekspertləri tərəfindən hazırlanmış yekun rəy “BP Azerbaijan” və Beynəlxalq Təlim və Layihə Mərkəzinə təqdim ediləcək.
Bölmənin digər xəbərləri
