ERMƏNİSTAN SİLAHLI QÜVVƏLƏRİNİN BÖLMƏLƏRİ ATƏŞKƏS REJİMİNİ POZMAQDA DAVAM EDİR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri iyunun 18-də saat 13.00-dan 17.20-dək və 19.00-dan 22.30-dək fasilələrlə Ermənistanın Berd rayonunun Çinari və İcevan rayonunun Azatamut kəndi ərazisindəki mövqelərindən Azərbaycan Ordusunun Tovuz rayonunun Koxanəbi, Ağdam və Qazax rayonunun Cəfərli kəndləri ərazisində yerləşən mövqelərini, saat 13.00-dan 13.15-dək və iyunun 19-u saat 1.35-dən 2.05-dək ara-sıra Xocavənd rayonunun ərazisindəki adsız yüksəkliklərdə və Kuropatkino kəndində yerləşən mövqelərindən, saat 16.45-dən 17.00-dək Tərtər rayonunun Qızıloba kəndi yaxınlığında yerləşən mövqelərindən, saat 22.15-dən 23.40-dək Füzuli rayonunun ərazisindəki adsız yüksəkliklərdə və Aşağı Veysəlli kəndi, iyunun 19-da saat 1.45-dən 2.15-dək Ağdam rayonunun Cəvahirli və Yusifcanlı kəndləri yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və iriçaplı pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
