FƏRDİ HƏYƏT EVLƏRİNİN QİYMƏTİ 0,4 FAİZ ARTMIŞDIR
“MBA Konsaltinq” şirkətindən AZƏRTAC-a bildirmişlər ki, may ayında Bakı şəhərinin torpaq bazarında qiymət indeksi 2,9 faiz artmışdır.
Mayın sonunda 1 sot torpağın qiyməti orta hesabla 25 min 021 ABŞ dolları təşkil etmişdir. Bu artım ötən ilin müvafiq dövrü ilə müqayisədə az olmuşdur.
Kirayə mənzil bazarında mayda 5,2 faiz artım qeydə alınmışdır. Müşahidə edilən artım, əsasən, hesablaşmaların ABŞ dollarından manata keçilməsi nəticəsində baş vermişdir.
Fərdi həyət evləri üzrə orta qiymət mayın sonuna 0,4 faiz artaraq 237 min 177 dollar və ya kvadratmetri 1242 dollar təşkil etmişdir. Satışa təklif olunan fərdi evlərin həyətyanı torpaq sahəsi 4,5 sot, yaşayış sahəsi 191 kvadratmetr və otaqlarının sayı isə 3,9 ədəd təşkil etmişdir. Ay ərzində müşahidə olunmuş qiymət artımı bazarda mövsümi aylarla və inflyasiya ilə izah edilir.
Bölmənin digər xəbərləri
