FERMER KOMPYUTER TEXNOLOGİYASININ TƏTBİQİNƏ HAZIRLAŞIR

11.06.2006 [19:54]
Çap et
A⁺ A^-

AZƏRTAC-ın müxbiri xəbər verir ki, Salyandakı “Hacı Camalxan” Kəndli Fermer Təsərrüfatı istehsal fəaliyyətini genişləndirir, mütərəqqi metodlar tətbiq edir.

Son illər burada müasir tipli yeni kompleks, laboratoriya və sexlər istifadəyə verilmiş, kadrların peşə hazırlığı artırılmış,naxırın cins tərkibi təzələnmiş, yüksək məhsuldar ana heyvanların sayı 400 başa çatdırılmış, bir sıra emal sahələri yaradılmışdır.

İsveçrənin "DELEVAL" şirkəti ilə bağlamış əməkdaşlıq müqaviləsi daha geniş perspektivlərdən xəbər verir. Dünya səviyyəli bu şirkət, razılaşmaya əsasən, kompyuter texnologiyasının tətbiqində salyanlılara yardımçı olacaq. Sağım və bir sıra emal prosesləri kompyuterləşdiriləcək. Salyanlı mütəxəssislər artıq İsveçrədən təcrübə mübadiləsindən qayıtmışlar.

Qabaqcıl texnologiyanın tətbiqi ilə bağlı hazırlıq işləri başa çatdırılmışdır.