FESTİVAL GƏLƏCƏK PLANLARI MÜƏYYƏN EDƏCƏKDİR
AZƏRTAC xəbər verir ki, respublikada 28 dövlət teatrı, o cümlədən 5 kukla teatrı vardır. Bakıda, Gəncədə, Naxçıvanda, Qaxda, Salyanda. Onların hər biri kukla teatrları festivalında iki tamaşa təqdim edəcəkdir.
Mədəniyyət və Turizm Nazirliyinin teatr sektorunun müdiri Naidə İsmayılzadənin dediyinə görə, festival başa çatdıqdan sonra teatrların yaradıcılıq potensialını müəyyən etmək məqsədi ilə müzakirələr keçiriləcəkdir. Həmin məsələyə bu dərəcədə diqqət yetirilməsi onların gələcək inkişafı üçün zəruridir. Bununla əlaqədar Naidə İsmayılzadə bildirmişdir ki, nazirlik bir sıra beynəlxalq festivallar, o cümlədən kukla teatrları festivalları keçirmək niyyətindədir.
N.İsmayılzadə demişdir: “2009-cu ilin payızında Mədəniyyət və Turizm Nazirliyi Çexov festivalının mərhələlərindən birini keçirməyi planlaşdırır. Həmin mərhələdə üç ən yaxşı tamaşa göstəriləcəkdir. Bu festival çərçivəsində kukla teatrları da təmsil olunacaqdır”.
Tamaşalarda yaşlı nəslə mənsub aktyorlar və gənc aktyorlar iştirak edirlər. N.İsmayılzadə bildirmişdir ki, peşəkar kukla teatrı ustaları öz sənətkarlığını gənc aktyorlara öyrədirlər. Təqdim edilmiş tamaşaların yüksək səviyyəsi bunu bir daha təsdiq edir. N.İsmayılzadə demişdir: “Lakin peşəkarların ustalığının inkişaf etdirilməsini də unutmaq olmaz. Mədəniyyət və Turizm Nazirliyi, məsələn, Abdulla Şaiq adına Kukla Teatrının rejissoru Elşad Rəhimzadənin xaricdə təcrübə keçməsini planlaşdırır. Avropa teatr mədəniyyətinə inteqrasiya etmək bizə hava və su kimi lazımdır”.
Bölmənin digər xəbərləri
