FİDAN VƏ XURAMAN QASIMOVALARIN ANKARADA KONSERTİ
Xalq artistləri Fidan və Xuraman Qasımovalar noyabrın 7-də Ankaranın Bilkənd Konsert salonunda Bilkənd simfonik orkestrinin müşayiəti ilə Azərbaycan və Qərb bəstəkarlarının əsərlərindən ibarət geniş proqramla çıxış etmişlər. Güclü səsləri, özlərinə məxsus gözəl ifa tərzləri ilə seçilən müğənnilərimiz bu dəfə də dinləyiciləri valeh etmişlər.
Xatırladaq ki, tanınmış musiqiçimiz, xalq artisti, professor Sərvər Qəniyevin dirijorluq etdiyi Bilkənd simfonik orkestrinin bir çox üzvü də bizim həmvətənimizdir. Orkestrin hər konserti böyük uğurla keçməkdədir. Qısa zaman ərzində orkestr yalnız Türkiyədə deyil, bir çox Avropa ölkəsində də müvəffəqiyyətlə çıxış etmiş, musiqisevərlərin və mütəxəssislərin böyük rəğbətini qazanmışdır.
Xuraman və Fidan Qasımova bacılarının istedadı, ifaçılıq sənəti isə Türkiyədə çoxdan sevilməkdədir. Hər iki ifaçımızın dost və qardaş ölkədə çoxsaylı pərəstişkarları vardır. Müğənnilərimizin budəfəki konsertləri bir neçə gün daha davam edəcəkdir.
Bölmənin digər xəbərləri
