Filippində keçirilən aralıq seçkilərdə Prezident Rodriqo Dutertenin tərəfdarları qalib gəlib
Tokio, 15 may, AZƏRTAC
Mayın 13-də Filippin parlamentinə keçirilən aralıq seçkilərin nəticələrinə görə, Prezident Rodriqo Duterte cinayətkarlıqla mübarizə aparmaq üçün öz mandatını daha da gücləndirib.
Budəfəki seçkilər zamanı seçicilər 24 yerlik Senatda 12 yer də daxil olmaqla, yerli və federal hakimiyyət orqanlarındakı təqribən 1000 yer üçün namizədlərə səs veriblər. Mərkəzi Seçki Komissiyasının bildirdiyinə görə, səslərin 95 faizi hesablandıqdan sonra Senatdakı 11 yer hakim partiyadan olan və ya ölkə Prezidentini dəstəkləyən namizədlər tərəfindən qazanılıb.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
