GƏMİ TƏMİRÇİLƏRİ DAĞIDICI MÜXALİFƏTİN ƏMƏLLƏRİNİ LƏNƏTLƏYİRLƏR
Paris Kommunası adına zavodun işçiləri Xanlar Əliyev, İlham Allahverdiyev adına zavodun qadınlar cəmiyyətinin sədri Cəmalə Vəliyeva, Böyük Vətən müharibəsi veteranı Balaş İbrahimov və başqaları dağıdıcı müxalifətin bəd əməllərini qətiyyətlə pisləmiş, səlahiyyətli orqanlardan müxalif qüvvələr və onların nəzarətində olan KİV-lər barəsində qanun çərçivəsində tədbir görülməsini tələb etmişlər. Onlar xatırlatmışlar ki, məhz bugünkü dağıdıcı müxalifətin hakimiyyətdə olduğu dövrdə fəlakətə yuvarladıqları və parçalanmağa məruz qoyduqları Azərbaycanı Heydər Əliyev dühası xilas etmişdir. O, Azərbaycanın təkçə bu gününü deyil, onun xoşbəxt gələcəyini qurmuşdur, İlham Əliyev kimi gənc siyasətçi yetişdirmişdir və bilirik ki, o, atasının yolunu ləyaqətlə davam etdirəcəkdir. Heydər Əliyevin xidmətlərini layiqincə qiymətləndirən xalqımız qarşıdakı seçkilərdə yenə də onu dəstəkləyəcəkdir.
Bölmənin digər xəbərləri
