GƏNCƏ DİNDARLARI İLƏ GÖRÜŞ
Qafqaz Müsəlmanları İdarəsinin sədri şeyxülislam Allahşükür Paşazadə bir qrup din xadimi və islamşünas alimlə birlikdə Gəncədə olmuşdur. O, müqəddəs İmamzadə ziyarətgahında olduqdan sonra burada Gəncə, Şəmkir, Xanlar, Goranboy, Daşkəsən və Gədəbəy rayonlarının dindarları ilə görüşmüş, “Quran”ın nəfis şəkildə çap olunmuş yeni nüsxələrini onlara hədiyyə etmişdir.
Şeyxülislam Azərbaycanın ərazi bütövlüyü uğrunda şəhid olmuş gəncəlilərin uyuduğu Şəhidlər xiyabanına da getmiş, onların ruhuna dualar oxumuşdur. Sonra “Qazaxlar” məscidində Gəncə dindarları ilə görüş olmuşdur. O bildirmişdir ki, Azərbaycan Konstitusiyasına təklif edilən dəyişikliklərlə bağlı avqustun 24-də keçiriləcək referendumda hər dindarın iştirakı vacibdir. Qafqaz Müsəlmanları İdarəsi Elmi-Dini Şurasının üzvləri-akademik Fuad Qasımzadə, MEA-nın müxbir üzvü Vasim Məmmədəliyev görüşdə çıxış edərək dindarları referendumda fəal iştirak etməyə çağırmışlar.
Qonaqlar şəhər icra hakimiyyətinin rəhbərliyi ilə də görüşmüşlər.
Bölmənin digər xəbərləri
