GÖMRÜK QAYDALARI DAHA DA SADƏLƏŞƏCƏK
Komitənin sədri M.Vanin cari il sentyabrın 1-dən qüvvəyə minəcək yeni gömrük qaydaları haqqında əmr imzalamışdır. Əmrdə deyilir ki, xarici ticarət fəaliyyətinin iştirakçıları öz yüklərini gömrükdə rəsmiləşdirmə başa çatdırılanadək götürmək imkanı qazanacaqlar, amma mühasibat sənədlərini bir ay ərzində gömrük xidmətinə təqdim etmək şərtilə. Bu sənədlər uyğun gəlmədikdə, gömrük xidməti yükün gömrük dəyərində düzəlişlər edə bilər. Gömrük xidməti yükün gömrük dəyəri ilə razılaşmamaq və dəyər məsələsinin həllini gözləmədən malı satışa çıxarmaq hüququna da malikdir. Malın sahibi isə mümkün əlavə ödənişlərə təminat verməlidir.
Məlum olduğu kimi, Azərbaycan, xüsusən kənd təsərrüfatı məhsullarının göndərilməsi sahəsində Rusiyanın fəal ticarət tərəfdaşlarından biridir. Bu faktı nəzərə alaraq, yeni qaydalar ticarətlə məşğul olan azərbaycanlıların öz yüklərini Rusiya gömrüyündən heç bir ləngitmə və süründürməçilik olmadan maneəsiz keçirməsinə imkan verəcəkdir.
Xatırladaq ki, təkcə 2003-cü ilin yanvar-may aylarında Azərbaycandan Rusiyaya mal ixracının həcmi 41 milyon 701 min 800 dollar, idxalın həcmi isə 128 milyon 605 min 500 ABŞ dolları təşkil etmişdir.
Bölmənin digər xəbərləri
