GORANBOYDA YENİ ELEKTRON KİTABXANA MƏRKƏZLƏRİ YARADILIR
İnformasiya məlumatlarının sürətlə alınması və ötürülməsi müasir kitabxana xidmətində çeviklik tələb edir. Bunu nəzərə alan Goranboy mədəniyyət və turizm idarəsi rayon kitabxanalarında elektron avadanlıq quraşdırmaqla yeni elektron kitabxana mərkəzlərinin yaradılması işinə başlamışdır. Mərkəzi kitabxana sisteminin elektronlaşdırılması prosesi isə başa çatdırılmışdır.
Rayon mədəniyyət və turizm idarəsinin rəisi Gündüz Hacıyev AZƏRTAC-ın müxbirinə demişdir ki, hazırda bu iş kəndlərdə davam etdirilir. Dəliməmmədli şəhər uşaq kitabxanasında quraşdırma işləri uğurla aparılır. Yaxın günlərdə Qızılhacılı kəndində elektron kitabxana mərkəzinin yaradılmasına başlanacaqdır.
Həyata keçirilən bu tədbirlər oxucuların kitabxanalara axınını artırmışdır. İndi rayon sakinləri böyük həvəslə kitabxanalara gəlir və təklif olunan xidmətlərdən istifadə edirlər.
Bölmənin digər xəbərləri
