GÖRKƏMLİ KİNO XADİMLƏRİMİZİN XATİRƏSİ ANILACAQDIR
Dövlət Film Fondundan AZƏRTAC-a bildirmişlər ki, qurum iyunun son həftəsində Azərbaycan kino xadimlərinin xatirəsinə həsr olunmuş iki gecə təşkil edəcəkdir.
İyunun 24-də “İbrus” teatrında görkəmli operator, ssenariçi, rejissor və aktyor, Dövlət mükafatı laureatı, xalq artisti Muxtar Dadaşovun anadan olmasının 95 illiyinə həsr edilmiş xatirə gecəsi keçiriləcəkdir.
Dövlət Film Fondunun direktoru, əməkdar incəsənət xadimi Cəmil Quliyev demişdir ki, M.Dadaşov kinematoqrafda dərin iz qoymuşdur. O, 1924-29-cu illərdə M.Əzizbəyov adına Azərbaycan Dövlət Dram Teatrının, 1929-31-ci illərdə Gənc Tamaşaçılar Teatrının aktyoru olmuş, 1931-ci ildən “Azərbaycanfilm” kinostudiyasının operatoru işləmişdir.
Sonra isə tanınmış kino aktyoru və rejissoru, xalq artisti Şahmar Ələkbərovun 65 illiyinə həsr olunmuş xatirə gecəsi keçiriləcəkdir.
Bölmənin digər xəbərləri
