GÖYÇAY RAYONUNUN TƏHSİL İŞÇİLƏRİNİN BƏYANATI

31.07.2003 [19:46]
Çap et
A⁺ A^-

Biz, Göyçay rayonunun çoxsaylı təhsil işçiləri oktyabrın 15-də keçiriləcək prezident seçkilərində Heydər Əlirza oğlu Əliyevin namizədliyini dəstəkləyəcəyimizi çoxdan bəyan etmişik. Çünki biz müəllimlər ordusu Azərbaycan xalqının müəllimi, böyük şəxsiyyət, bütün həyatını xalqına həsr etmiş son dərəcə fədakar insanı yaxından tanıyırıq, onun zəkasının, qətiyyətinin, fədakarlığının şahidləriyik. Heydər Əliyevin Azərbaycan üçün gördüyü işlər göz qabağındadır.

Hörmətli Prezidentimiz barədə yalan və böhtan məlumatlar dərc edən “Yeni Müsavat”, “Azadlıq”, “Hürriyyət” qəzetlərinin yazarlarına və digər üzdəniraq müxalifət nadanlarına, öz elinin, obasının, dövlətinin qədrini bilməyən nanəciblərə nifrətimizi bildirir, onlara “Ar olsun!” deyirik.

Müxalifət mətbuatındakı bu mənfi hallara, özbaşınalıqlara qarşı susan respublikanın hüquq-mühafizə orqanlarından xahiş edirik ki, yollarını azanları, hədyan-böhtan yazanları qanunlarımızın gücü ilə cəzalandırsınlar.

Biz, Göyçay rayonunun təhsil işçiləri Prezident Heydər Əliyevin daxili və xarici siyasətini müdafiə etdiyimizi bir daha bəyan edir və oktyabrın 15-də yeganə namizədimiz Heydər Əlirza oğlu Əliyevi yekdilliklə dəstəkləyəcəyimizi bildiririk.

Asəf Nəbiyev –Təhsil şöbəsinin müdiri

Almaz Cəfərova-TİANT rayon komitəsinin sədri

Yasin Abdurahmanov-Metodmərkəzin müdiri

Əlövsət Əfəndiyev-Aşağı Qaraməryəm məktəbinin direktoru

Xanım Ağayeva-şəhər 1 nömrəli orta məktəbin müəllimi

Bikə İsmayılova-təqaüdçü müəllim

Əfrasiyab Maqsudov-rayon ziyalılar cəmiyyətinin sədri

Əlibaba Babayev – veteran müəllim

Tahirə Qəhrəmanova-şəhər 4 nömrəli orta məktəbin müəllimi

Qurban Qurbanov-İncə kənd orta məktəbinin müəllimi

Zahir Babayev- Qarayazı kənd orta məktəbinin direktoru

Leyla Məmmədova –şəhər 9 nömrəli uşaq bağçasının müdiri