Gülşən Rzayeva: Gender bərabərliyi olmadan dayanıqlı və təhlükəsiz şəhərlər mümkün deyil
Bakı, 18 may, AZƏRTAC
BMT-nin Ümumdünya Şəhərsalma Forumunun 13-cü Sessiyasının (WUF13) ilk dəfə Qafqaz regionunda keçirilməsi Azərbaycan üçün böyük şərəfdir.
AZƏRTAC xəbər verir ki, bunu Dövlət Şəhərsalma və Arxitektura Komitəsinin Aparat rəhbərinin müavini, WUF13-ün milli əlaqələndiricisinin müavini Gülşən Rzayeva tədbir çərçivəsində keçirilən Assambleyaların Birgə Bağlanış sessiyasında çıxışı zamanı bildirib.
O deyib ki, Azərbaycan üçün WUF13 sadəcə qlobal tədbir deyil, həm də mənzil təminatı, inklüzivlik və dayanıqlı şəhər inkişafını gələcəyin əsas prioritetləri sırasında görən yüksəksəviyyəli öhdəlikdir.
Gülşən Rzayeva vurğulayıb ki, şəhərlərin gələcəyinin yalnız hökumətlər tərəfindən deyil, qadınlar, gənclər, yerli idarəetmə qurumları, biznes nümayəndələri və cəmiyyətin bütün üzvlərinin birgə iştirakı ilə formalaşdırılmalı olduğunu bir daha nümayiş etdirib. Onun sözlərinə görə, gender bərabərliyi olmadan təhlükəsiz və dayanıqlı şəhərlərin mümkün olmadığı diqqətə çatdırılıb.
Bölmənin digər xəbərləri
