Gürcüstan martda Azərbaycandan 5,2 min ton neft bitumu idxal edib
Tbilisi, 14 aprel, AZƏRTAC
Gürcüstan cari ilin mart ayında 6,5 min ton neft bitumu idxal edib. Bu da fevral ayı ilə müqayisədə 1,9 min ton çox, 2019-cu ilin eyni dövrü ilə müqayisədə isə 1,4 min ton azdır.
AZƏRTAC xəbər verir ki, bu barədə Gürcüstanın Neft İdxalatçıları Birliyi (GNİB) məlumat yayıb. Bildirilir ki, ay ərzində Gürcüstanın idxal etdiyi neft bitumunun 80 faizi Azərbaycanın payına düşüb. Martda Gürcüstan Azərbaycandan 5,2 min ton neft bitumu idxal edib.
Cari ilin yanvar-mart ayları ərzində Gürcüstan ümumilikdə 14,3 min ton neft bitumu idxal edib. Bu da 2019-cu ilin eyni dövrü ilə müqayisədə 4,9 min ton azdır.
Gürcüstan neft bitumunun 49,6 faizini İrandan, 42 faizini Azərbaycandan alıb. Qalan hissə isə İraq və Birləşmiş Ərəb Əmirliklərindən alınıb.
GNİB-nin məlumatına görə, idxalın azalması koronavirusa görə, qadağaların tətbiqi ilə bağlıdır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
