Gürcüstanda etnik azlıqları təmsil edən gənclər üçün növbəti təcrübə proqramı elan olunub
Tbilisi, 15 mart, AZƏRTAC
Gürcüstanın Barışıq və Vətəndaş Bərabərliyi Məsələləri üzrə Dövlət Nazirliyi ölkədə milli azlıqların inteqrasiyası və gənclərin dövlət strukturlarında təcrübə keçməsi ilə bağlı növbəti proqram hazırlayıb.
AZƏRTAC xəbər verir ki, dövlət naziri Ketevan Tsixelaşvili martın 14-də proqramın detallarını ictimaiyyətə təqdim edib. O bildirib ki, təcrübə proqramının əsas məqsədi etnik azlıqların məşğulluğu ilə bağlı problemləri həll etməkdir.
Tədbirdə çıxış edən təhsil, elm və idman nazirinin müavini Lia Giqauri “1+4” proqramının müsbət nəticələri barədə danışıb. Bildirib ki, təcrübə proqramı milli azlıqlardan olan gənclər üçün peşə təcrübəsinə yiyələnmək baxımından çox vacibdir.
Bildirilib ki, dövlət idarələrində təcrübə proqramından “1+4” proqramı üzrə ali təhsil alan və ya təhsilini başa vurmuş azərbaycanlı və digər milli azlıqlardan olan gənclər yararlana biləcəklər.
Dövlət qurumlarındakı vakansiyalar www.hr.gov.ge saytında yerləşdiriləcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
