GÜRCÜSTANDA ÖLÜM HALLARI DOĞUM HALLARINDAN ARTIQDIR
AZƏRTAC-ın xüsusi müxbiri xəbər verir ki, Gürcüstan demoqrafçıları həyəcan təbili çalırlar. Onların hesablamalarına görə, hazırda ölkədə ölənlərin sayı doğulanların sayından çoxdur və son 15 il ərzində əhalinin sayı 1,5 milyon nəfər azalmışdır. İş tapmaq üçün xarici ölkələrə köçənlərin yarısından çoxu vətənə qayıtmaq istəmirlər.
Gürcüstan əhalisinin sayı 1994-cü ildən azalmağa başlamışdır. 1995-ci ildən yeni doğulan uşaqların sayı əvvəlki illərə nisbətən yarıbayarı azalmışdır. Hazırda ailələrdən yalnız 18 faizinin ikidən artıq uşağı var. Demoqraflar vəziyyətin bu cür davam edəcəyi təqdirdə 2050-ci ildə Gürcüstan əhalisinin sayının 2 milyona enəcəyini ehtimal edirlər.
Bölmənin digər xəbərləri
