HƏMKARLAR İTTİFAQLARI BEYNƏLXALQ ƏLAQƏLƏRİ GENİŞLƏNDİRİRLƏR
AHİK-in təşkilat işləri və məlumat şöbəsindən AZƏRTAC-a bildirmişlər ki, görüşdə S.Mehbalıyev Azərbaycan Həmkarlar İttifaqları Konfederasiyasının fəaliyyətindən, dövlət və hökumət orqanları ilə münasibətlərindən, işəgötürənlər birlikləri ilə konstruktiv əməkdaşlıqdan, mövcud işsizlik probleminin həlli yolunda atılan addımlardan, ölkəmizdə son dövrlərdə həyata keçirilən islahatlardan geniş söhbət açmışdır.
S. Mehbalıyev, eyni zamanda, beynəlxalq əlaqələrdən danışarkən bu istiqamətdə görülən işlərə qiymət verərək, onun bütün səviyyələrdə inkişafına diqqətin xüsusi olaraq artırılmasını vacib hesab etdiyini bildirmişdir.
Misir həmkarlar ittifaqları ilə əlaqələrin daha da genişləndirilməsi üçün həmkarlar ittifaqı üzvlərinin görüşlərinin və təcrübə mübadiləsinin məqsədəuyğunluğunu qonaqların diqqətinə çatdırmışdır.
Geniş məlumata, ətraflı izahatlara və mehriban qarşılanmaya görə minnətdarlıqlarını bildirən qonaqlar Azərbaycan Həmkarlar İttifaqları Konfederasiyası ilə əməkdaşlığa xüsusi önəm verdiklərini və dostluq əlaqələrinin daha da inkişaf etməsini arzuladıqlarını bildirmişlər.
Bölmənin digər xəbərləri
