Heydər Əliyev Sarayında növbəti konsert proqramı “Söhbət var” adlanır
Bakı, 29 may, AZƏRTAC
Mayın 31-də Heydər Əliyev Sarayı və ARB TV-nin birgə təşkilatçılığı ilə musiqili-əyləncəli “Söhbət var” adlı konsert proqramı təqdim ediləcək.
Sarayın mətbuat xidmətindən AZƏRTAC-a bildirilib ki, Əməkdar artist Dilarə Əliyevanın aparıcılığı ilə keçiriləcək konsertdə tamaşaçıları əsl şou, yumor dolu əyləncəli proqram gözləyir. Konsertdə, həmçinin sevilən müğənnilər Elza Seyidcahan, Nadir Qafarzadə, Pərviz Bülbülə və Türkan, Vasif Məhərrəmli, Xatun, Roza Zərgərli, Namiq Qaraçuxurlu, Rauf və başqaları iştirak edəcəklər.
Biletləri www.iticket.az saytından onlayn, şəhərin kassalarından və “ASAN xidmət” mərkəzlərindən əldə etmək olar.
Bölmənin digər xəbərləri
